اتلجم القلب الحزين
لما كبر قبل الاوان
واتسرسبت مني السنين
والعمر هان
وبعد ماكان الزمن
مابين دراعه شايلني شيل
يحميني من شمسه في نهاره
ويأيد نجومه لو كنا ليل
دلوقتي ايدني بسلاسل
وسقاني من كاسه المرار
مسجون مابين جرح والم
ذادي ندم والحلو نار
صوتي سكوت
والعتمه موت
والدمع في عيوني انتحر
الحلم ضاع
والكل باع
ووباء في قلوبنا انتشر
فاتت سنين ولا شهور
مادريت ولا اعرف هما كام
وانا جوه سجن بالف سور
سجانه لم ينطق كلام
وفي يوم صحيت علي صوت
زماني بيقولي قوم
شيل التراب من فوق عنيك
لم الهدوم
خلص العقاب
ارحل كفايه عليك ذنوب
روح عيش بعيد وحدك وتوب
فيه نور هناك شايفاه عنيك
امشي وراه وهو يلاقيك
وفي الطريق فيه بحر جنبك
اغسل ايديك وعنيك وقلبك
واعمل حساب يوم الحساب
موضوع: اتلجم القلب الحزين 
الثلاثاء أغسطس 12, 2008 3:12 pm
