قلبي دمرني

موضوع: قلبي دمرني الثلاثاء نوفمبر 25, 2008 1:11 am

تعبت معاه ومش عارف على ايه ناويلي
يوم بعد يوم بيهاجمني وانا وحدي ويا ويلي
احساس غريب عمال بيكبر ويتوه وياه دليلي
عمري ما حسيت بيه كدا ولا زي النهارد تعب خيلي
خيلي اللي ياما رمح فى اراضي حلمي وخضارها كان خيري
دلوقتي ليه وهن ووقف وليه دايما حصاد ارضي لغيري ؟
مآنش الاوان لسة إني ازرع وزرعي تمسكه ايدي ؟
بتكلم مين يا قلبي ؟
كلامك دا ليا انا ولا العقل خلاص جننك ؟
بس تستاهل انه يجننك
كان ليه من الاول تطمعه ببحور هنا وهيا فى الاصل اوهام في برك ؟
مليانه بأسى وجراح وكل ما يعدي بركه تقوله فيها غيرك هلك
وعقلي رابط غمامته وعايم ولسة ماشي وراك ولسه مصدقك
مين كسبان فيكوا ومين خسر وفين انا من مشواركو ا ؟
اديني تايه فى السكك
دمعة جوا عيني جفت قبل ما تبلل رمش
ودمعه تانيه وراها بتتولد حالفة اني منمش
دموع اه اسمها لكن لانزلت ولا ريحت وليه كل دا ؟مفهمش
ايام متكربنه من بعضها منسوخة زي ورقة ادام تلميذ فى امتحان بيغش
حتى كلامي تايه جوا فكري وتايه فى ابه برده؟ ياريت متسألش
كلامي بيدور على معنى لحالى وكأنه ابرة فى كوم اش
سؤالي هوا انا واجابتي كمان هيا ليه انا ؟
والنهاية ادامي خلاص مش فرح النهاية خلاص مش سعد وهنا
افتكر يا قلم كلامي ليه وعد من بعدي ايامي
كام واحد حصد من زرعي انا وافتكرني وكام واحد كان اناني ؟
وافتكر يا قلبي طيبتك وافتكر واشهد على نفسك ان دقاتك مش عشاني
دقاتك دي بس كمالة عدد ولولاك انت مكنش بقى دا مكاني
الفرح ايه تقدر توصفه ؟ ريحني وجاوبني على سؤالي
لما انت مش عارفه ليه قولتلي جاي وشايفه وسيبتني لخيالي ؟
لا طلع فرح ولا حتى يشبهه انت بس اللي الحزن بقى ليك غالي
فرحك هوا حزني ومش مكفيك كمان شاغلي بيه بالي
اوعاك تجيبلي سيرته او حته تكلمني عنه تاني
خلاص مش عاوز افرح بس كمان الحزن ابعده وخليني اشوف حالي
خليني اعيش بس نفس طالع وتاني داخل
بلاها امل بلاها فشل بلاها عمار بس كمان بلاه دمار
إنت ايه يا قلبي حاسك مش ليا ؟
وكمان حاسك يا عقلي مش فيا
غربة قالوا عنها البشر انها فى بلاد بره
وانا غيرهم كلهم غربتي ليه جوه ؟
اقولك ؟
مشي دمي فى عروقى زي ما انتا
وحياتي هعشها زي ما اتكتبت لحد ما ابقى جثة
إية ؟ وجعك كلامي ؟
ما انت ياما وجعتني ولا حسييت بألامي
ولا بس دلوقتي فوقت وحسيت ملامي ؟
خلينا نعيش سوا بس لا تقولي حنيت لزمان
ولا يوم هقولك ياجبان
ولا حتى هقولك ادي لفلان حبة حنان